"Himo-ang armas

Ang mga libro

Sa pakigbisog

Sa kinabuhi,"

Matud pa nimo.

 

Mga pagsambit,

Karon nisindi,

Sa kandila nga,

Hagbay napalong,

Hagbay nihunong.

 

Mga pangandoy

Nga nalumos ra

Buhi'g galangoy

Sa kadagatan,

Ngitngit og lalom.

 

Akong nalitok,

"Dili pa andam,

Apan sa karon,

Sila ang purtahan,

Sa laing kalibutan."

 

Kalibutan nga,

Igo kalimtan,

Kulang sa kahayag,

Buta sa dalan,

Wala'y padulngan.

 

Apan,

 

Imong pagduyog,

Paglantaw kanako,

Nagsilab usab

Sa pangutana,

"Andam na ba mo-salom?"