Salom

entry picture

"Himo-ang armas

Ang mga libro

Sa pakigbisog

Sa kinabuhi,"

Matud pa nimo.

 

Mga pagsambit,

Karon nisindi,

Sa kandila nga,

Hagbay napalong,

Hagbay nihunong.

 

Mga pangandoy

Nga nalumos ra

Buhi'g galangoy

Sa kadagatan,

Ngitngit og lalom.

 

Akong nalitok,

"Dili pa andam,

Apan sa karon,

Sila ang purtahan,

Sa laing kalibutan."

 

Kalibutan nga,

Igo kalimtan,

Kulang sa kahayag,

Buta sa dalan,

Wala'y padulngan.

 

Apan,

 

Imong pagduyog,

Paglantaw kanako,

Nagsilab usab

Sa pangutana,

"Andam na ba mo-salom?" 

april272017bisayaexpressionspoetrythoughtbubble

◄ How do I love? (Part 2)

Mga Handurawan sa Pakigbisog ►

Comments

Profile image

Dave Caplan

Sun 19th Jul 2020 17:47

Pagkalisod nalamang
sabton ang imong mga pulong.
Mora gajud ug nakutaw
kining akong utok....😀

I love it so much
WELL DONE!

If you wish to post a comment you must login.

This site uses cookies. By continuing to browse, you are agreeing to our use of cookies.

Find out more Hide this message